بسم الله الرحمن الرحيم
السلام عليكم ورحمة الله وبركاته
حال الشباب لما يسمعوا صوت بنت
.
.
.
.
.
كان نايم..وبعالم الاحلام هايم..
مادري في وشو كان يحلم
مره يحس انه يسوق سياره..
ومره يقول كنت مضيف طياره..
كان الجو بارد..
وكان متغطي وشارد..
رن التلفون
وقال ياترى من يكون؟؟
هذا المزعج هل هو صديق ولا مزيون..
هل هو عاقل ولا مجنون؟؟
رد عليه وهو كله شك وظنون!!
وبـرقه بعد ماكان عصبي هو صار انسان حنون..
سمع صوت ماتوقعه.. :
ولا في خياله تخيله..
ولا حتى بحلمه سمعه..
بنت.. <<
قال هلا
وقالت اهلين..
نوره موجوده؟؟
قال وهو صوته رايح فيها..
لحظه شوي بناديها..
وجلس يصوت ويقول نوره .. يامن نوره يلاقيها..
ورد للسماعه وقال مادري وين راحت الله يهديها..
بس دقيقة ماعندنا نوره!!
وبادر البنت خوف!!
قالت آسفه غلطانه..
قال ولا يهمك عادي لا تكونين زعلانه؟؟
مايهم اذا ماعندنا بالاسم فلانه..
قالت شكلك كنت نايم..
قال لا.. توني قايم..
قالت تدرس ؟؟
قال الدراسه خلاص باح..
انتي شكلك تدرسين؟؟
كيف اختباراتك ؟؟ عسى أنكم مرتاحين..
قالت باقي لنا ونخلص يومين
وخايفه والله من مادتين..
قال من الاختبارات لآ تخافين..
دامك الليل تذاكرين..
وعلى الله تعتمدين..
واللي يزرع جح ( بطيخ ) ما يحصد يقطين..
أهم شي انك ماتنسين..
قبل الاختبار الله تدعين..
ومن إبليس تتعوذين……..
خلقه من نار وخلقنا من طين.. وجلسوا يسولفوا في أمور..
من شو اسمك الين غلاء المهور..
قالت اسمي (ود) وقال لها انا محمد..
وقالت صدفه غريبه اسامينا فيها دال..
تصدق كنت اتمنى يسموني نوال!!
تصدقين وانا كنت اتمنى يسموني جمال
وجلسوا نسولفوا في بحور الشعر والموال..
وماهمهم كلام الناس والعذال..
وفجاءة خلصت السوالف ولا لقوا اللي ينقال؟؟
وسكتوا..
وبدلع..قالت أنت تشجع الهلال؟؟
قال في قلبه.. مادري أجاوبك بكف ولا بنعال..
بالله عليك هذا سؤال؟؟
قال أنا نصراوي.. وما يهمني القيل والقال.. << احلى
هذا العالمي هذا حبه طاح في القلب ولا ينشال..
والشمس مايغطيها مشخال..
قالت شمعنى النصر!!..
قال يا بنت.. النصر فن ولعب ويفوز باللي حضر..
وجمهوره له كلمة وامر..
يابنت..لا تغريني بالكثير..
لو تضربين مليون بصفر تساوي صفر.. << احم
و تحاشوا وشبواا.. بس بسرعه انطفوا.. والكل يقول في نفسه
الظاهر بعضنا هوينا..
وبدرب الحب ابتدينا..
قالت.. محمد..
قال آمري يا ود..
قالت اوصف لي شكلك..
قال بنفسه يوووووه ....هذا والله و توهقنا..
شوفي العرب لونهم واحد
ولسانهم واحد.. واحلف بالله ولا غيره أحد
أني ماني طويل ولا قصير..
شعري ناعم مثل الحرير..
قالت والعيون..
قلت العيون شبرين في ثلاثه اشبار
قالت اسد..
قلت شكرا يا احلى شهد
المهم ان تواعدوا..
والموعد كان في المول قرروا..
بين خوف وامل تواعدوا..
وقضى محمد ليلته في حيرة..
وش البس؟؟ جنز ولا كندوره والله حيرة..
مافي غيرها يفك الحيرة.. شيشه و تعميرة..
ورجع للبيت يعاتب يمسي ويبتسم لغده ( يعني لبكرته).. ( لاحوووول افهموا يعني بكره خخخخخ)
وبصعوبة نام.. قعد يتقلب وون.. ويقول:
يا قلبي قلي شو اللي من الحب اهون؟؟
غريبه هالدنيا غريبة..
وراحت ليلتي.. وزادت بلوتي..
اليوم موعدي.. انا والحب بنلتقي..
وكشخ
لبس فوق راسه غترته..
في مكان اللقاء تغيرت حتى خطوته..
صار يرتجف ويرنح بمشيتيه..
كأنه ينساق للموت وهاذي نهايتيه..
مب سوالف شجاعة.. هذي اكبر بطولاته..
اذا خسر بتضيع احلى امنياتيه..
جلس يدور ويلف وحول المكان يطوفه..
وين هذيك العين اللي عليها قلبه ملهوف..
ود؟؟ ياليت الناس تجي وتشوف..
وفجاءة..
وصله مسج..
يقول..
سويتها فيك
رد بيتكم وخل عنك هسوالف ياتـعبان
روح نام ..
تعيش وتاكل غيرها
و سويتها فيك ..
:المرسل
الــــــــــــــــــوالده
ههههههههههههههههههههههههههه